Profesori universitar, Rrahman Paçarizi ka përgëzuar Ministrinë e Arsimit për mënyrën e organizimit të sistemit online të mësimit, shkruan arbresh.info.

Paçarizi përmes një postimi në faceboo ka shkruar se për këtë duhet përgëzuar ministrja e arsimit Hykmete Bajrami dhe zëvendësit e saj Xhavit Rexhaj e Jusuf Thaçi, si dhe mësimdhënësit e angazhuar.

“Po me pelqen menyra e organizimit te smesimit online dhe per kete duhen pergezu ministrja e arsimit Hykmete Bajrami dhe zevendesit e saj Xhavit Rexhaj e Jusuf Thaçi, si dhe mesimdhenesit e angazhuar.
Megjithate, producentet do t’i lusja qe ne ekran te paraqiten slajdet e shpjegimeve dhe mesimdhenesit veten ne fillim, pasi po eshte e pamundur te ahihet se çka ka ne sllajde.”, ka shkruar ai.

Ndryshe, sot drejtoresha e Arsimit Shpresa Shala, për arbresh.info tha se, në emisionin e parë po zhvillohen dy njësi mësimore për klasën e parë në Gjuhë amtare dhe Matematikë, pastaj vazhdon me klasën dytë, dy njësi mësimore, pastaj me klasën tretë, e kështu me radhë edhe për klasat tjera.

Ndërsa, Enis Kervan zëvendësministër i Arsimit, tha se sot ka filluar mësimi në gjuhen turke dhe deri më tani gjithçka po shkon shumë mirë.

“Sot ka filluar zhvillimi i mësimit online në gjuhen turke, deri më tani çdo gjë po shkon në rregull, shpresojmë të tejkalohet kjo situatë që ndodhemi tani sa më parë”, tha ai.

Fillon mësimi online, ja si realizohet një orë mësimore

https://www.facebook.com/arbresh.info/videos/675707922997093/